Фатограф Юлія Раманькова

Не хвалявацца! Я абавязкова дапамагу вам з пазіраваннем. Усё пакажу і раскажу: куды пакласці руку, паставіць нагу і г.д. Я не буду прапаноўваць вам складаныя фэшн-позы. Я люблю лавіць задуменныя позіркі, вецер у валасах. Таму прапаную нескладаныя дзеянні: прайсціся сярод кветак, прытуліцца да дрэва і г.д. Вам не прыйдзецца думаць ні пра што на фотасесіі. Сачыць за ўсім буду я. А вам застанецца толькі насалоджвацца сваёй прыгажосцю.     

У сярэднім 1,5-2 гадзіны. Я ніколі не сачу за часам да кожнай хвіліны. Важна, каб вы паспелі расслабіцца! І калі мы засталі неверагодны захад сонейка, абавязкова зловім гэты момант. Фотасесія заканчваецца, калі мы разам разумеем, што ўсё гатова! 

Я абавязкова дапамагу! Зазвычай, мы падбіраем адзежу разам з героямі здымак з іх гардэроба. Аднак ёсць і іншыя варыянты. Мы разам можам завітаць, напрыклад, у касцюмерную Беларусьфільма. Там вялізны выбар адзення напракат (і па прыемным кошце). Таксама я магу пашукаць для вас варыянты на WB і даслаць артыкулы.

Усё залежыць ад ідэі фотасесіі. Яе мы падрабязна абмяркоўваем з героем здымкі, я дасылаю рэферэнсы. Пасля таго, як мы вызначыліся з ідэяй, я сама падбіраю падыходзячыя лакацыі і дасылаю вам на выбар. Гэта могуць быць фотастудыі, паркі, горад. А таксама старажытныя сядзібы, музеі, касцёлы!